കൊണ്ടുവാ കൊണ്ടുവാ നീ പാപികളെ
കൊണ്ടുവാ കൊണ്ടുവാ നീ

1 രണ്ടെജമാന്മാരെ സേവി- ച്ചിണ്ടലെന്യേ വസിക്കാമെ-
ന്നുള്ള കൊണ്ടു നിനയ്ക്കുന്ന കള്ളരെ പിടിച്ചിവിടെ;- കൊണ്ടുവാ...

2 അസ്സലായി കഴിയേണം ഡ്രസ്സു നന്നായിരിക്കേണം
വസ്തുതന്നെ ദൈവമെന്നു തീർത്തു രയ്ക്കും ശഠന്മാരെ;- കൊണ്ടുവാ...

3 പുള്ളിമൃഗക്കണ്ണിയുടെ-കള്ളമാർന്ന പുഞ്ചിരിയെ
ഉള്ളുയരും ഭാഗ്യമെന്നു തുള്ളിയാടും വിടന്മാരെ;- കൊണ്ടുവാ...

4 അക്രമമായാശമൂത്തി-ട്ടർത്ഥമെന്തെന്നറിയാതെ
ചക്രമെന്നു കേൾക്കെ തല- ചെക്കിട്ടിക്കും ലോഭികളെ;- കൊണ്ടുവാ...

5 അപ്പനമ്മമാർ പറയും ദുഷ്പ്രവൃത്തിക്കെരിവേറി
ശിൽപ്പമോടെ നടക്കുന്ന- ശപ്പരാകും ബാലകരെ;- കൊണ്ടുവാ...

6 വഞ്ചിപ്പാൻ വിരുതുള്ള - വഞ്ചകിയാമിസ്സബേലിൻ
നഞ്ചുകുടിപ്പാൻ മുറിയിൽ - തഞ്ചിനിൽക്കും യുവാക്കളെ;- കൊണ്ടുവാ...

7 സ്ത്രീജനത്തിൻ മിത്രമായ സൂപദേശം കൊടുക്കുന്ന
ഭാവമതു നടിച്ചിടും പാപികളെത്തിരഞ്ഞിങ്ങു;- കൊണ്ടുവാ...

8 ജോലിമൂലം വേദവാക്യ-ശോധനത്തിന്നിടയില്ലെ
ന്നേതുമൊരു നാണം കൂടാ തോതിടുന്നു ജഡന്മാരെ;- കൊണ്ടുവാ...

9 ദൈവപക്ഷം മാത്രമോതി-ചെയ്തിന്നു പണിയേറും
നവ്യമാം മനുഷ്യപക്ഷം കൈമറിക്കും വൈദികരെ;- കൊണ്ടുവാ...

10 വേല വേലയെന്നു ചൊല്ലി-വേലിയില്ലാ സ്ഥലം പോലെ
നാലുപാടും തുറന്നുള്ള  ജാല സുവിശേഷകരെ;- കൊണ്ടുവാ...

11 ഭക്തിയും വൻ ഭക്തികേടും - ചേർത്തിളക്കിത്തരം പോലെ
ചെപ്പടിക്കളി നടത്തും സഭ്യരല്ലാക്ഖലന്മാരെ;- കൊണ്ടുവാ...

12 മൂഢരാമിവരെപ്പിടിച്ചൂടു പാടെ വരിഞ്ഞെരി
ഞ്ഞടുമഗ്നിക്കടലിന്റെ-ചൂടിലേക്കെറിഞ്ഞീടുവാൻ;- കൊണ്ടുവാ...