Entadishayame daivattin sneham
ethra manoharamadu
chintayiladanga sindhu samanamay‌i
santatam kanunnu njan (Entadishayame ..)

daivame nin maha snehamatin vidham
arkku chintichariyam                                                 eniykkavatilleyatin azhamalannitan
ethra bahulamatu (Entadishayame ..)

ayiramayiram navukalalathu
varnnippatinnelutho                                                                             patinayirattinkaloramsham cholliduvan
parilasaddhyamaho (Entadishayame ..)

modamezhum thiru marvvilullasamay‌
santatamchernnirunna                                                                                ekajatanamesuve patakarkkay‌ thanna
snehamatishayame (Entadishayame ..)

papattal ninne njan kopippicchulloru
kalattilum dayavay‌                                                                         snehavapiye neeyenne snehichathorttennil
ascharyameritunnu (Entadishayame ..)

jeevithattil pala veelchakal vannittum
ottum nisedhikkate                                                                             ennekevalam snehichu palichidum tava
snehamatulyamaho (Entadishayame ..)

എന്തതിശയമേ ദൈവത്തിന്‍ സ്നേഹം
എത്ര മനോഹരമേ-അതു
ചിന്തയിലടങ്ങാ സിന്ധു സമാനമായ്‌
സന്തതം കാണുന്നു ഞാന്‍ (എന്തതിശയമേ..)
                         
ദൈവമേ നിന്‍ മഹാ സ്നേഹമതിന്‍ വിധം
ആര്‍ക്കു ചിന്തിച്ചറിയാം-എനി-
യ്ക്കാവതില്ലേയതിന്‍ ആഴമളന്നീടാന്‍
എത്ര ബഹുലമത് (എന്തതിശയമേ..)
                         
ആയിരമായിരം നാവുകളാലതു
വര്‍ണ്ണിപ്പതിന്നെളുതോ-പതി
നായിരത്തിങ്കലൊരംശം ചൊല്ലീടുവാന്‍
പാരിലസാദ്ധ്യമഹോ (എന്തതിശയമേ..)
                         
മോദമെഴും തിരു മാര്‍വ്വിലുല്ലാസമായ്‌
സന്തതം ചേര്‍ന്നിരുന്ന-ഏക
ജാതനാമേശുവെ പാതകര്‍ക്കായ്‌ തന്ന
സ്നേഹമതിശയമേ (എന്തതിശയമേ..)
                         
പാപത്താല്‍ നിന്നെ ഞാന്‍ കോപിപ്പിച്ചുള്ളൊരു
കാലത്തിലും ദയവായ്‌-സ്നേഹ
വാപിയേ നീയെന്നെ സ്നേഹിച്ചതോര്‍ത്തെന്നില്‍
ആശ്ചര്യമേറിടുന്നു (എന്തതിശയമേ..)
                         
ജീവിതത്തില്‍ പല വീഴ്ചകള്‍ വന്നിട്ടും
ഒട്ടും നിഷേധിക്കാതെ-എന്നെ
കേവലം സ്നേഹിച്ചു പാലിച്ചീടും തവ
സ്നേഹമതുല്യമഹോ (എന്തതിശയമേ..)