വിടുതലുണ്ട് വിടുതലുണ്ട് യേശു നാമത്തിൽ
നമ്മെ കരുതുന്നോരു ദൈവമുണ്ട് ഉയരെ സ്വർഗ്ഗത്തിൽ
അരുതു ചഞ്ചലം നമ്മുക്കു വിശ്വസിച്ചിടാം
ഇന്നു മരിച്ചവർക്ക് ജീവനേകും ദൈവപുത്രനിൽ

1 പഴുതുനോക്കി നിൽക്കുന്നുണ്ട് പഴയപാമ്പാകും-സാത്താൻ
വിഴുങ്ങുവാനായ് ചുറ്റിതിരിയും അലറും സിംഹംപോൽ
പ്രാർത്ഥനക്കു ബോധവാന്മാരായി മേവിടാം
ഇന്നു സ്തോത്രത്തിൽ കവിഞ്ഞെപ്പോഴും ജാഗരിച്ചിടാം;- വിടുത

2 യുദ്ധമുള്ളത് മാംസരക്തത്തോടല്ല
നമ്മുക്ക് ബദ്ധവൈരിയാകും ദുഷ്ടസേനയോടത്രേ
യോദ്ധാക്കളായ് ആയുധം ധരിച്ചു നിന്നിടാം
ദിനം അമിതമാം ബലം ധരിച്ചു ശക്തരായിടാം;- വിടുത

3 യേശു രക്തത്താലും സാക്ഷ്യവചനത്താലും താൻ
സാത്താനെ ജയിച്ചു പൂർവ്വവീരരായവർ
പ്രാണനെ സ്നേഹിച്ചില്ലവർ മരണപര്യന്തം
നാമും ജീവനെ പകച്ചു അവരെ പിൻഗമിച്ചിടാം;- വിടുത

4 തോറ്റ ശത്രുവെ നാം ഇനിയും ഭയപ്പെടുകയോ
ഒട്ടും മാറ്റമില്ലാ വാഗ്ദത്തങ്ങൾ അവിശ്വസിക്കയോ
ഏറ്റസമയം ദൈവം നമ്മെ കൈവെടിയുമോ
സാത്താൻ തോറ്റുപോയി ജയം നമ്മുക്ക് യേശു നാമത്തിൽ;- വിടുത