Mannavan yeshu thanunnatha baliyaay
thernnathine ninappaan mannil
thannoru niyamam inniha naamanu-
varthikku-nnadaravaay

1 Appam eduthavan vazhthi nurukki than
Apposthalar kkaruli cholli 
Ningngalkku vendi nurungidum dehamen
vangi bhujippinennu;-

2 manna pozhinjathu thinnu janangal
Annu-yirodirunnu ennaal
enne bhujippavarellamanaratham
jeevikku mennurachu;-

3 panapathratheyeduthavan chonnithen
rakthathin puthu niyamam ithu
panam cheythidumpozhokkeyum ningalen
Ormmaykkay cheythukolvin;-

4 thenum visheshamam palumozhukidum
desham kananathingkal ulla
panathekkal ruchiyerunnor’aathmeya
panamunde namukke;-

5 ponnu thirumeniyake yadikalaal
nonthu nurungiyathum
raktham chinthi marichuyirekiyathum ippol
chinthichu nandiyode;-

Tune of : Enthathishayame daivathin sneham

മന്നവൻ യേശു താനുന്നത ബലിയായ് 
തീർന്നതിനെ നിനപ്പാൻ മന്നിൽ
തന്നൊരു നിയമം ഇന്നിഹ നാമനു- 
വർത്തിക്കു-ന്നാദരവായ്

1 അപ്പമെടുത്തവൻ വാഴ്ത്തി നുറുക്കി തൻ 
അപ്പോസ്തലർക്കരുളിചൊല്ലി 
നിങ്ങൾക്കു വേണ്ടി നുറുങ്ങിടും ദേഹമെൻ 
വാങ്ങി ഭുജിപ്പിനെന്നു;-

2 മന്ന പൊഴിഞ്ഞതു തിന്നു ജനങ്ങൾ 
അന്നുയിരോടിരുന്നു എന്നാൽ
എന്നെ ഭുജിപ്പവരെല്ലാമനാരതം 
ജീവിക്കുമെന്നുരച്ചു;-

3 പാനപാത്രത്തെയെടുത്തവൻ ചൊന്നിതെൻ 
രക്തത്തിൻ പുതു നിയമം ഇതു 
പാനം ചെയ്തിടുമ്പോഴൊക്കെയും നിങ്ങളെൻ 
ഓർമ്മയ്ക്കായ് ചെയ്തുകൊൾവിൻ;-

4 തേനും വിശേഷമാം പാലുമൊഴുകിടും 
ദേശം കനാനതിങ്കൽ ഉള്ള 
പാനത്തെക്കാൾ രുചിയേറുന്നൊരാത്മീയ 
പാനമുണ്ട് നമുക്ക്;-

5 പൊന്നു തിരുമേനിയാകെയടികളാൽ 
നൊന്തു നുറുങ്ങിയതും 
രക്തം ചിന്തി മരിച്ചുയിരേകിയതും ഇപ്പോൾ 
ചിന്തിച്ചു നന്ദിയോടെ;-

എന്തതിശയമേ ദൈവത്തിൻ സ്നേഹം : എന്ന രീതി