നിസ്സീമമാം നിൻസ്നേഹത്തെ പ്രകാശിപ്പിക്കും ക്രൂശിനെ
ദർശിച്ചനേരം നാഥനേ നിനക്കു ഞാനധീനനായ്
ഈ ഭൂമിയിൽ നിക്ഷേപമായ് ഞാനെണ്ണിവന്ന സർവ്വവും
ഗണിച്ചിടുന്നു നഷ്ടമായ് ഈ ദർശനം മുഖാന്തരം
പ്രമോദമായെന്നായുസ്സിൽ സ്നേഹിച്ച വ്യർത്ഥകാര്യങ്ങൾ
നികൃഷ്ടമെന്നറിഞ്ഞഹം വെടിഞ്ഞിടുന്നശേഷവും
നിൻക്രൂശിൽ ഞാൻ നിരന്തരം പ്രശംസിച്ചിടും രക്ഷകാ
മറ്റൊന്നിലുമെൻമാനസം മഹത്വമാഗ്രഹിക്കൊലാ
അഗാധമപ്രമേയമാം ഈ സ്നേഹമർഹിക്കുന്നിദം
എൻ ദേഹം ദേഹി മാനസം സമ്പൂർണ്ണമായ് സമസ്തവും
സാഷ്ടാംഗം വീണു പാദത്തിൽ വണങ്ങിടുന്നു ഭക്തിയിൽ
നിനക്കും നിൻ പിതാവിന്നും മഹത്വം ദൈവാത്മാവിന്നും.