1 കർത്തനേയിപ്പകലിലെന്നെ-നീ
കാവൽ ചെയ്തതിമോദമായ്
ചേർത്തണച്ചു നിൻ പാദത്തിലായ-
തോർത്തടി പണിയുന്നു ഞാൻ

2 പക്ഷികൾ കൂടണഞ്ഞുകൊൺടവ
നിർഭയമായി വസിക്കും പോൽ
പക്ഷമോടെന്റെ രക്ഷകാ! തവ
വക്ഷസ്സിലണഞ്ഞീടുന്നേൻ;- കർത്തനേ

3 ഭൂതലെയുദിച്ചുയർന്ന സൂര്യ
ശോഭ പോയ് മറഞ്ഞിടുന്നു
നീതി സൂര്യനെ മോദമോടക-
താരിൽ നീയുദിക്കണമേ;-

4 കേശാദിപാദം സർവ്വവും ഭരി-
ച്ചിടേണം പരിശുദ്ധനെ
ദാസൻ നിൻ തിരുസന്നിധിയിൻ പ്ര-
കാശത്തിൽ വസിച്ചീടുവാൻ;-

5 നിദ്രയിൽ നിൻ ചിറകിൻ കീഴായെന്നെ
ദമായ് മറയ് ക്കേണമേ
രാത്രി മുഴുവന്നാവിയാലെന്നെ
ശത്രുവിൽ നിന്നു കാക്കുക;-

6 രാതിയിൽ ഞാൻ കിടക്കയിൽ പ്രാണ-
നാഥനെ! വേദവാക്യങ്ങൾ
ഓർത്തു ധ്യാനിച്ചു മോദമായ് പ്രാർത്ഥി-
ച്ചീടുവാൻ കൃപ നൽകുക;-

7 പ്രാണനായകനേശുവേ നീയീ
രാത്രിയിൽ എഴുന്നള്ളിയാൽ
ആനന്ദത്തോടെ ദാസനും എതി-
രേൽക്കുവാൻ തുണയ് ക്കേണമേ;-

8 ഇന്നു രാത്രിയിൽ എന്റെ ജീവനെ
നീ എടുത്തീടുകിൽ വിഭോ
നിന്നിൽ ഞാൻ നിദ്രകൊൺടു വിശ്രമി-
ച്ചീടുവാൻ കൃപനൽകണേ;-