കണ്ണുകൊണ്ടു കണ്ടതോർത്താൽ
കാതുകൊണ്ടു കേട്ടതോർത്താൽ
യാഹേ! നീയല്ലാതൊരു ദൈവം
ഇല്ല വേറെയാരുമില്ല

1 കൈകൾ കാലുകൾ തുളഞ്ഞും
ശിരസ്സിൽ മുൾമുടി അണിഞ്ഞും
വദനമോ തുപ്പലേറ്റും
ഏഴയ്ക്കായി ചങ്കു തുറന്നും;-

2 ശൂന്യത്തിൻമേൽ ഭൂമിയെന്നപോൽ
ഇന്നെയോളം നിറുത്തിയോനെ
കൂരിരുളി ൻ താഴ്വരകളിൽ
അഗ്നിമേഘത്തൂണുകളുമായ്;-

3 ശത്രു ഏറ്റം പഴിച്ചീടട്ടെ
എല്ലാ നാളും ദിഷിച്ചീടട്ടെ
വിശ്വസ്തൻ ഹാ! എത്ര നല്ലവൻ
പ്രാണപ്രിയൻ എന്റെ വല്ലഭൻ;-

സാധുവെന്നെ കൈവിടാതെ: എന്ന രീതി