കാരുണ്യക്കടലീശൻ കാവലുണ്ടെനിക്കനിശം
കാരിരുൾ വേളകളിൽ എന്നെ കാത്തിടും തൻകരത്തിൽ

1 വഞ്ചകരുടെ കടുംകൊടുമയിലെൻ മനം ചഞ്ചലപ്പെട്ടിടുകിൽ അവൻ
തഞ്ചം തൻ തിരുനെഞ്ചിൽ തരും ഞാനഞ്ചിടാതാശ്വസിക്കും

2 മൃത്യുവിൻ താഴ്വരയെത്തുകിലവിടവൻ കൂട്ടിനു കൂടെവരും എന്റെ
ശത്രുക്കൾ കാൺകെ വിരുന്നൊരുക്കും നല്ല മിത്രമാണെനിക്കു

3 ദൈവികഹിതം നിറവേണമതു മമ ജീവിതലക്ഷ്യമതാൽ ഇനി
ജീവൻ മരണമെന്താകിലും ഞാൻ കർത്താവിന്നുള്ളവനാം

4 ചെങ്കടൽ പിരിയും യോർദ്ദാൻ പിളരും തൻകരബലത്താലെ പിന്നെ
സങ്കടമെന്തിനു ജീവിതമരുവിൽ താൻ മതിയൊടുവോളം