bhupathimaar mudimane! vaazhka nee
paril perutha paapam neenguvaaniha
yaagamaayoru naadhan nee

1 sadhuvamivan puthujeevanil kadakkayaal
sadaram bhaval sthuthi cheyyume
jayam padume sathatham prabho

2 ninthiru krupayorthal bandhutha labhikkilum
anthamattathi dosham cheythavan
phalam koythavan katdinan vibho

3 neethiyin vidhikkumun bhethanay bhavikkave
pathakanivan bahubhagymar’nnathi-
yogynaythiru neethiyaal

4 rajanay vazhuka nin nethiyal bharikka nee
rajitha mahessezhum nadhane! Thava
dasane bharamelkka nee

5 ninthiru prabhavaminn enthu njanurackkunnu!
ninthiru munnaracher vezhume sthuthi-
padume madiyenniye

6 kazhchakalodu thiru vazhchayilaver vannu
veezhcha koodathe vanangidume
muzhangidume sthuthiganavum

7 pathakanmar thirumun vedanayoduzhari
khedamodudan virachidume
olichidume tharamaakukil

8 theeyodu mezhuku polamaver neeyo nithya
sthayiyay param vasichidume
bharichidume yugakalamaay

ഭൂപതിമാർ മുടിമണേ! വാഴ്ക നീ
പാരിൽ പെരുത്തപാപം നീങ്ങുവാനിഹ
യാഗമായൊരു നാഥൻ നീ

1 സാധുവാമിവൻ പുതുജീവനിൽ കടക്കയാൽ
സാദരം ഭവൽ സ്തുതിചെയ്യുമേ
ജയം പാടുമേ സതതം പ്രഭോ;-

2 നിൻ തിരു കൃപയോർത്താൽ ബന്ധുത ലഭിക്കിലും
അന്തമറ്റതിദോഷം ചെയ്തവൻ
ഫലംകൊയ്തവൻ കഠിനൻ വിഭോ;-

3 നീതിയിൻ വിധിക്കുമുൻ ഭീതനായ് ഭവിക്കവേ
പാതകനിവൻ ബഹുഭാഗ്യമാർന്നതി-
യോഗ്യനായ്ത്തിരു നീതിയാൽ;-

4 രാജനായ് വാഴ്ക നിൻ നീതിയാൽ ഭരിക്ക നീ
രാജിത മഹസ്സെഴും നാഥനെ തവ
ദാസനെ ഭരമേൽക്ക നീ;-

5 നിൻ തിരു പ്രഭാവമിന്നെന്തു ഞാനുരയ്ക്കുന്നു
നിൻതിരു മുന്നരചർ വീഴുമേ സ്തുതി-
പാടുമേ മടിയെന്നിയേ;-

6 കാഴ്ചകളോടു തിരുവാഴ്ചയിലവർ വന്നു
വീഴ്ച കൂടാതെ വണങ്ങിടുമേ
മുഴങ്ങിടുമേ സ്തുതിഗാനവും;-

7 പാതകൻമാർ തിരുമുൻ വേദനയോടുഴറി
ഖേദമോടുടൻ വിറച്ചീടുമേ
ഒളിച്ചീടുമേ തരമാകുകിൽ:-

8 തീയൊടു മെഴുകുപോലാമവർ നീയോ നിത്യ
സ്ഥായിയായ് പരം വസിച്ചിടുമേ
ഭരിച്ചീടുമേ യുഗകാലമായ്;-