വിശ്വസിച്ചാൽ ദൈവപ്രവൃത്തി കാണാം
ആശ്രയിച്ചാൽ ദൈവകരുതൽ കാണാം
ചോദിക്കുന്നതിലും നിനനയ്ക്കുന്നതിലും
അത്യന്തം പരമായ് കരുതുമവൻ

1 കണ്ണീരിൻ താഴ്വരെ നടന്നീടിലും
കഠിന ശോധനകൾ ഏറിടിലും
എല്ലാം നന്മയ്ക്കായ് മാത്രം കൂടി വ്യാപരിക്കും
അത്യന്തശക്തിയിൽ നീ ആശ്രയിക്കു;-

2 സർവ്വശക്തൻ യേശു വലം കരത്താൽ
വീഴാതെ തൻ മഹിമ സവിധേ
നിത്യ സന്തോഷത്തിൻ പൊൻ പുലരിയതിൽ
കളങ്കമില്ലാതെ നിർത്തുമന്നാൾ;-

3 കാഹള ശബ്ദം വാനിൽ കേട്ടിടാറായ്
കാന്തനാം യേശു വേഗം വെളിപ്പെടാറായ്
കാലമേറെയില്ല ഒരുങ്ങുക പ്രിയരെ
കണ്ണീരില്ലാത്ത നാട്ടിൽ ചേർന്നിടുവാൻ;-