ദയലഭിച്ചോർ നാം സ്തുതിച്ചിടുവോം
അതിനു യോഗ്യൻ ക്രിസ്തുവത്രേ
മാധുര്യരാഗമാം ഗീതങ്ങളാലെ
അവനെ നാം പുകഴ്ത്തിടാം
തൻ തിരുമേനിയറുക്കപ്പെട്ടു തൻ
രുധിരത്തിൻ വിലയായ് വാങ്ങിയതാം
ഗോത്രങ്ങൾ, ഭാഷകൾ, വംശങ്ങൾ,
ജാതികൾ സർവ്വവും ചേർന്നുകൊണ്ട്
പാപത്തിന്നധീനതയിൽ നിന്നീ-
യടിയാരെ താൻ വിടുവിച്ചു
അത്ഭുതമാർന്നൊളിയിൽ പ്രിയന്നുടെ
രാജ്യത്തിലാക്കിയതാൽ
വീഴുന്നു പ്രിയനെ വാഴ്ത്തിടുവാൻ
സിംഹാസന വാസികളും താൻ
ആയവനരുളിയ രക്ഷയിൻ മഹിമയ്ക്കായ്
കിരീടങ്ങൾ താഴെയിട്ട്
ദൈവകുഞ്ഞാടവൻ യോഗ്യനെന്ന്
മോക്ഷത്തിൽ കേൾക്കുന്ന ശബ്ദമത്
സ്തുതിച്ചിടാം വെള്ളത്തിന്നിരച്ചിൽ പോൽ
ശബ്ദത്താൽ പരിശുദ്ധയാം സഭയേ!