സ്നേഹിച്ചു ദൈവം എന്നെ സ്നേഹിച്ചു ദൈവം എന്നെ 
സ്നേഹിച്ചു ദൈവം തൻപുത്രനെയും നൽകി ബലിയാകുവാൻ

1 ആദ്യമവൻ സ്നേഹിച്ചെന്നെ ആദിയുഗങ്ങൾക്കു മുന്നേ 
ആകയാൽ തന്നെ സ്നേഹിച്ചു ഞാനും സന്തോഷ സമ്പൂർണ്ണനായ്

2 പാപിയായ് പാരിൽ പിറന്നു പാപവഴിയിൽ നടന്നു 
പാതകനായോരെന്നെയും ദൈവം സ്നേഹിച്ചതാണത്ഭുതം 

3 മറ്റാരും തേടി വന്നില്ല മറ്റാരും ജീവൻ തന്നില്ല 
ഉറ്റസുഹൃത്തായൂഴിയിലിന്നെന്നേശുവൊരാൾ മാത്രമാം

4 അഴലേറും വേളയിൽ തന്റെ കഴലിൽ ഞാനാശ്രയം തേടും 
ചുഴലിയിലാഴിത്തിരമേൽ നടന്നെന്നരികിൽ വരും രക്ഷകൻ