1 ദൈവത്തിൻ രാജ്യം സ്നേഹത്തിൻ രാജ്യം
യേശുരാജൻ - ഘോഷിച്ച നൽ-
വാർത്ത നിങ്ങൾ - ഓർത്തീടുക(2)
2 സ്വർഗ്ഗീയരാജ്യം സ്വായത്തമാക്കാൻ
ഭാഗ്യമുള്ളോർ തൻ - യോഗ്യതയരുളി
മാർഗ്ഗത്തെക്കാട്ടി - മോക്ഷത്തെ നൽകി(2);- യേശു…
3 ദരിദ്രാത്മാക്കൾ പ്രാപിക്കും രാജ്യം
കരയുന്നവർക്കു - ലഭിക്കുമാശ്വാസം
കരുണയുള്ളവർക്കു - കരുണ ലഭിക്കും(2);- യേശു…
4 നിർമ്മലഹൃദയം ദൈവത്തെ കാണും
സൗമ്യതയുള്ളോർ - ഭൂമിയിൽ വാഴും
താഴ്ചയുള്ളവർക്കോ ഉയർച്ച ലഭിക്കും(2);- യേശു…
5 രമ്യതയുളവാക്കുന്നോർ ശ്രേഷ്ഠർ
നാമമവർക്കു - ദൈവപുത്രന്മാർ
നന്മനിമിത്തം - പീഢകൾ ഉളവാം(2);- യേശു…
6 ദുഷിക്കുന്നവർക്കായ് പ്രാർത്ഥിച്ചീടുക
പഴിക്കുന്നവരെ - അനുഗ്രഹിച്ചീടുക
ദ്വേഷിക്കുന്നവർക്കു - ഗുണം ചെയ്തീടുക(2);- യേശു…
7 കുറവുകളെല്ലാം സമ്മതിച്ചാകിൽ
കരുണയിൻ നാഥൻ - മോചനം നൽകും
മറുരൂപമാക്കും - നവജീവൻ നൽകും(2);- യേശു…