1 ennulli’lennum vasichiduvan sworgga-
mandapam vittirangi vanna
unnathanam thanka prave! nee vannennil
ennum’madhivasikka

2 thanka’chirakadi ethra naal kettittum
shaangka’kudathe ninne-thalli
sangketham njaan koduth’annyarkennorthitha
sangkada pettidunnu;-

3 karthane! ethra anugrehangal’ayyo
nashta’maakki’ie’vidham-innum
kashdatha thannil valayunnu njaanitha
thatti’yunarthaname;-

4 shunyavum paazhumay thalliyathame nin
mandiram thannil’innu-deva!
vannu paarthu shuddhi cheythu nin veettinte
ninda akattename;-

5 jeevitha’minnum shariyaittillayyo
jeevippikkm karthane-vannu
jeevanum shakthiyum snehavum thannenne
jeevippichedaname;-

6 shakthiyin simhasane jayaveranay
vaazunnoreshu rajan-ennil
shakthiyode vannu vaanidum nerathil
shakthanay jeevikum njaan;-

7 ennalankara vasthram dharichidum njaan
innu’muthal daivame-melal
ennil ashuddhanum chela’vihenanum
chernnu varkayilla;-

8 ie vidhathil paripaalikkappettidan
daivathmave vannennil-ennum
aavasichu thava thessa’lennude
jeevan prashobhippikka;-

1 എന്നുള്ളിലെന്നും വസിച്ചിടുവാൻ സ്വർഗ്ഗ-
മണ്ഡപം വിട്ടിറങ്ങി-വന്ന
ഉന്നതനാം തങ്കപ്രാവെ നീ വന്നെന്നിൽ
എന്നുമധിവസിക്ക;-

2 തങ്കച്ചിറകടി എത്ര നാൾ കേട്ടിട്ടും
ശങ്കകൂടാതെ നിന്നെ-തള്ളി
സങ്കേതം ഞാൻ കൊടുത്തന്യർ-
ക്കെന്നൊർത്തിതാ സങ്കടപ്പെട്ടിടുന്നു;-

3 കർത്തനെ എത്രയനുഗ്രഹങ്ങളയ്യോ
നഷ്ടമാക്കിയിവിധം- ഇന്നും
കഷ്ടത തന്നിൽ വലയുന്നു ഞാനിതാ
തട്ടിയുണർത്തണമേ;-

4 ശൂന്യവും പാഴുമായ് തള്ളിയതാമീ നിൻ
മന്ദിരം തന്നിലിന്നു-ദേവാ
വന്നു പാർത്തു ശുദ്ധിചെയ്തു നിൻ വീട്ടിന്റെ
നിന്ദയകറ്റണമേ;-

5 ജീവിതമിന്നും ശരിയായിട്ടില്ലയ്യോ
ജീവിപ്പിക്കും കർത്തനെ-വന്നു
ജീവനും ശക്തിയും സ്നേഹവും തന്നെന്നെ
ജീവിപ്പിച്ചീടണമേ;-

6 ശക്തിയിൻ സിംഹാസനേ ജയവീരനായ്
വാഴുന്നോരേശുരാജൻ-എന്നിൽ
ശക്തിയോടെ വന്നു വാണിടും നേരത്തിൽ
ശക്തനായ് ജീവിക്കും ഞാൻ;-

7 എന്നലങ്കാരവസ്ത്രം ധരിച്ചിടും ഞാൻ
ഇന്നുമുതൽ ദൈവമേ- മേലാൽ
എന്നിൽ അശുദ്ധനും ചേലാവിഹീനനും
ചേർന്നു വരികയില്ല;-

8 ഈ വിധത്തിൽ പരിപാലിക്കപ്പെട്ടിടാൻ
ദൈവാത്മാവേ വന്നെന്നിൽ-എന്നും
ആവസിച്ചു തവ തേജസ്സാലെന്നുടെ
ജീവൻ പ്രശോഭിപ്പിക്ക;-