ബലഹീനതയിൽ ബലമേകി
ബലവാനായോൻ നടത്തിടുന്നു (2)
കൃപയാലെ കൃപയാലെ
കൃപയാല-നുദിനവും (2) ബലഹീനത...
1 എന്റെ കൃപ നിനക്കുമതി
കർത്താവിൻ തിരുവചനം
അനശ്വരമായ വചനമതേകി
അതിശയമായി നടത്തിടുന്നു;- കൃപയാലെ...
2 ദുഃഖങ്ങളിൽ ഭാരങ്ങളിൽ
കർത്താവു കരുതീടും
ബലഹീനതയിൽ തികഞ്ഞുവന്നീടും
തിരുശക്തി നാഥൻ പകർന്നീടും;- കൃപയാലെ...
3 യഹോവയെ കാത്തിരിപ്പോർ
ശക്തിയെ പുതുക്കീടും
കഴുകനെപ്പോലെ ചിറകടിച്ചുയരും
തളർന്നുപോകാതെ ഓടീടും;- കൃപയാലെ...
4 വാഴ്ത്തീടുമെൻ ജീവകാലം
എന്നേശുനായകനെ
പ്രതികൂലമേറും ജീവിതമരുവിൽ
പുലർത്തുന്നെൻ നാഥൻ ജയകരമായ്;- കൃപയാലെ...