1 Aadyanthamilaatha nithyante kaanthya
Pradyothanalpol prakaashichu nilkum
Sadyogamaarnulla divyaananangal
ie dambathikeka shreeyeshu naadha!

2 Thaalkaalikangalaam bhogangal elaam
Aathmaanubhoothiyil nissaramaayi
kaanmaan karuthulla swargeeya kannaal
shobhikkumaaraka shreeyeshu naadha

3 Aanandavaarashi thannil parakum
vicheetharangangal aarkunna gaanam
vedoktha seemaavilethi sravippan
Ekeedu karnnangal shreeyeshu naadha!

4 Moodopadesha kodumkaadu sheekram
Paade thakarnangu bhasmeekarippan
choodode kathi jwalikunna naavum
needaarnu nalkeedu shreeyeshu naadha!

5 saadhukalaayulla marthyarku vendi
Chaathuranthyam kazhichethu naalum
Maaduryadaanam pozhikunna kaikal
ie dambathikeka shreeyeshu naadha!

6 Siyon mannalante prathyagamathaal
Maayathamassodi maarunna naalil
Jaayathwamenthikireedam dharippan
Aashisivarkeka shreeyeshu naadha!

7 Nithyam labhikatte soorya prakaasham
Abhyulpathikate chandrante kaanthi
naanathwamaarnulla pushpangal ennum
sourabhyamekatte shreeyeshu naadha!

1 ആദ്യന്തമില്ലാത്ത നിത്യന്റെ കാന്ത്യാ
പ്രദ്യോതനൻപോൽ പ്രകാശിച്ചു നിൽക്കും
സദ്യോഗമാർന്നുള്ള ദിവ്യാനനങ്ങൾ
ഇദ്ദമ്പതിക്കേക ശ്രീയേശുനാഥാ!

2 താൽക്കാലികങ്ങളാം ഭോഗങ്ങളെല്ലാം
ആത്മാനുഭൂതിയിൽ നിസ്സാരമായി
കാണ്മാൻ കരുത്തുള്ള സ്വർഗ്ഗീയ കണ്ണാൽ
ശോഭിക്കുമാറാക ശ്രീയേശുനാഥാ!

3 ആനന്ദവാരാശി തന്നിൽ പരക്കും
വിചീതരംഗങ്ങളാർക്കുന്ന ഗാനം
വേദോക്ത സീമാവിലെത്തി ശ്രവിപ്പാൻ
ഏകീടു കർണ്ണങ്ങൾ ശ്രീയേശുനാഥാ!

4 മൂഢോപദേശക്കൊടുങ്കാടു ശീഘ്രം
പാടേ തകർത്തങ്ങു ഭസ്മീകരിപ്പാൻ
ചൂടോടെ കത്തിജ്വലിക്കുന്ന നാവും
നീടാർന്നു നൽകീടു ശ്രീയേശുനാഥാ!

5 സാധുക്കളായുള്ള മർത്ത്യർക്കു വേണ്ടി 
ചാതുര്യയത്നം കഴിച്ചേതു നാളും
മാധുര്യദാനം പൊഴിക്കുന്ന കൈകൾ
ഇദ്ദമ്പതിക്കേക ശ്രീയേശുനാഥാ!

6 സീയോൻ മണാളന്റെ പ്രത്യാഗമത്താൽ
മായാതമസ്സോടി മാറുന്ന നാളിൽ
ജായാത്വമേന്തിക്കിരീടം ധരിപ്പാൻ
ആശിസ്സിവർക്കേക ശ്രീയേശുനാഥാ!

7 നിത്യം ലഭിക്കട്ടെ സൂര്യപ്രകാശം
അഭ്യുൽപതിക്കട്ടെ ചന്ദ്രന്റെ കാന്തി
നാനാത്വമാർന്നുള്ള പുഷ്പങ്ങളെന്നും
സൗരഭ്യമേകട്ടെ ശ്രീയേശുനാഥാ!