1 എന്റെ നാഥൻ നിണം ചൊരിഞ്ഞോ?
എന്റെ രാജാ മരിച്ചുവെന്നോ?
പുഴുവിനൊത്തോരെനിക്കുവേണ്ടി
വിശുദ്ധമാം ശിരസ്സവൻ കുനിച്ചുവെന്നോ?

യേശുനാഥൻ എനിക്കുമപ്പോൽ
നിനക്കും വേണ്ടിമരിച്ചുപാപി
സകലർക്കുമായവൻ മരിച്ചു
രക്ഷ വെറും ദാനമത്രേ തനിക്കു സ്തുതി

2 നാം നശിച്ച കാരണത്താൽ ക്രൂശിലവൻ തൂങ്ങുന്നിതാ 
ഭ്രമിച്ചുപോകും ദയവിതുതാൻ
അറിയാതുള്ളൊരു കൃപ പരമസ്നേഹം

3 പാപത്തിനാൽ നശിച്ച നമ്മെ കരുതിയല്ലോ പരൻ മരിച്ചു 
അഭിഷിക്തന്റെ മരണം മൂലം 
അരുണൻ തന്നുടെ കരം മറച്ചിരുണ്ടു

4 സ്നേഹമുള്ള ക്രൂശു കണ്ടു ഞാനും മുഖം താഴ്ത്തുന്നിതാ
നന്ദിചൊൽവാനെന്റെ മനം
ഉരുക്കണമെൻ കണ്ണുകളലിക്കണമേ

5 എങ്കിലുമെൻ കണ്ണുനീരാൽ സ്നേഹക്കടം വീട്ടിടാമോ?
ഒന്നുമാത്രമെനിക്കു സാദ്ധ്യം
തരുന്നു ഞാനെന്നെപ്പരാ നിനക്കെന്നേക്കും

എന്ന രീതി: ദേവേശാ യേശുപരാ