1 അന്ത്യനാളു വന്നുപോയി
പെന്തക്കോസ്തിൻ ആവിവന്നു
ചന്തമുള്ള വേല ചെയ്തു
ചിന്തുന്നിതാ പിന്മഴയും

2 അപ്പോസ്തല കാലമതിൽ
മുമ്പഴയിന്നാവി വന്നു 
ഇപ്പോൾ തന്റെ ആത്മാവിനാൽ തൻ
ജനത്തെ ഒരുക്കുന്നു;-

3 പാപി മനം തിരിഞ്ഞിതാ
ജ്ഞാനസ്നാനമേറ്റിടുന്നു
താപമെന്യേ ജീവിച്ചിടാൻ
ആത്മസ്നാനം പ്രാപിക്കുന്നു

4 ഭാഷകളിൽ പേശിടുന്നു
രോഗശാന്തി ലഭിക്കുന്നു
ദർശനങ്ങൾ പ്രവചനം
ഇത്യാദികളുണ്ടാകുന്നു

5 മണവാളന്റെ വരവിൻ
ലക്ഷങ്ങളും കാണുന്നുണ്ട്
മണവാട്ടി ഉണരുക നിൻ കാന്തനെ
എതിരേൽപാൻ

6 സന്തോഷമേ സന്തോഷമേ
എന്നെന്നേക്കും സന്തോഷമേ
സ്വർഗ്ഗത്തിലും സന്തോഷമേ
വിശ്വാസിക്കും സന്തോഷമേ

7 ഹല്ലേലൂയ്യാ ഹല്ലേലൂയ്യാ
നിത്യകാലം പാടിടാമേ
ഹല്ലേലുയ്യാ ഹല്ലേലുയ്യാ
സന്തോഷമായ് പാടിടാമേ