വാഴ്ത്തും യേശുവെ ഞാൻ വാഴ്ത്തും യേശുവെ 
ഭക്തിയായ് വണങ്ങി നിത്യം വാഴ്ത്തും യേശുവേ 

1 സത്യദൈവ ജാതനും സ്തുത്യനാമെൻ നാഥനും 
ഭക്തചിന്താമണിയുമായ് പാർത്തിടും ശ്രീയേശുവേ 

2 കത്തിയെരിഞ്ഞുള്ളൊരു തീയിൽ നിന്നീക്കൊള്ളിയെ 
തൽക്ഷണം വലിച്ചെടുത്തു കാത്ത കൃപാ മൂർത്തിയെ

3 ഘോരമാമിരുളിലെൻ ചാരുവാം വെളിച്ചമായ് 
സൂര്യനെപ്പോൽ വിളങ്ങുന്ന കാരണസ്വരൂപിയെ

4 കാട്ടുമരപ്പന്തിയിൽ നാരകമാണെൻ പ്രിയൻ 
നാട്ടിലെങ്ങുമൊളി വീശും ശാരോൻ ലില്ലിപ്പുഷ്പവും

5 നായകനുമായവൻ സ്നേഹിതനും താതനും 
മായമറ്റ മാതാവുമെൻ മാന്യ ഗുരുഭൂതനും

6 ശീതമതിലുഷ്ണവും ചൂടിലെൻ തണുപ്പതും 
ദീന ശയ്യയിലെനിക്കു ദിവ്യമാമൗഷധവും 

7 ജീവനേകുമപ്പവും ദിവ്യപാന വസ്തുവും 
പ്രേമഗീതവും മധുര വാദ്യവും സമ്പാദ്യവും

8 നാശമില്ലാദ്രവ്യവും പേശലമാം ഹവ്യവും 
ആശയുള്ളോർക്കായവൻ താനായതിൽ ഭവ്യവും