1 പരിശുദ്ധാത്മാ പരിശുദ്ധാത്മാ
എന്നെ തൊടേണമേ നിൻ ശക്തിയാൽ
ബലഹീനമാം ഈ മൺപാത്രത്തെ
അത്യന്ത ശക്തിയാൽ നിറക്കേണമേ
മുറിവേറ്റ കരം നൽകും ആശ്വാസവും
എൻ ഭാവം ആയിടട്ടെ - ഇപ്പോൾ
ഓ യേശുവേ, സ്പർശിക്ക എന്നെ നീ
നിൻ ആത്മാവാൽ നിറക്ക ശക്തി താ
എൻ ഓട്ടം ഞാൻ തികക്കാൻ, ജയിക്കാൻ
2 നിൻ ആത്മാവിന്റെ കൃപാവരങ്ങൾ
എന്നിൽ ജ്വലിപ്പിക്ക നിൻ ശക്തിയാൽ
എന്നെ കാണുന്നവർ കാണട്ടങ്ങെ
എന്നെ കേൾക്കുന്നവർ കേൾക്കട്ടങ്ങെ - എൻ
നിഴലിൽ പോലും നിൻ ആത്മശക്തി
വെളിപ്പെടട്ടെ നിനക്കായ് - ഇപ്പോൾ
3 വിശന്നവർക്കെൻ അപ്പം പകുത്തു നൽകാൻ
എൻ കൈകളിൽ ആത്മധൈര്യം നൽക
അന്യായബന്ധനങ്ങൾ അഴിക്കാൻ
എൻ കൈകളിൽ അഭിഷേകം നിറക്ക
തളരാതെ ഓടുവാൻ അളവില്ലാതെ
കരുത്തെനിക്കേകിടണേ - ഇപ്പോൾ