ക്രിസ്തുവിൽ തികെഞ്ഞവരായ് തീരുവാൻ
ക്രിസ്തൻ സ്നേഹം നമ്മിൽ വെളിപ്പെടുവാൻ
ക്രിസ്തുശിഷ്യരായി നാം
എന്നും നിലനിൽക്കുവാൻ
ക്രിസ്തൻ വചനം പാലിച്ചു ജീവിക്കാം
1 സ്വർഗ്ഗതാതൻ ചൊന്നതാം വചനങ്ങൾ
പുത്രനാം കർത്തൻ നമ്മെയറിയിച്ചു
മഹിമകൾ വെടിഞ്ഞു താൻ
ഇദ്ധരയിൽ വന്നതോ
മനുജർ നമ്മൾ സ്നേഹത്തിൽ തികയുവാൻ
2 ഒന്നിലും കുറവില്ലാതെ ധന്യരായ്
സ്നേഹത്തിൽ സമ്പൂർണ്ണരായി ഭൂവതിൽ
വിശാസത്തിൻ സ്ഥിരതയും
ആത്മാവിൻ പ്രത്യാശയും
അനുദിനം വർദ്ധിച്ചു നാം വളർന്നിടാം
3 ആയുസ്സെല്ലാം സൽപ്രവൃത്തി ചെയ്യുവാൻ
അരുമനാഥൻ തൻസ്വഭാവം വിളങ്ങണം
അഗതികളെ തള്ളിടാതെ
അലിവിൻ സത്യസാക്ഷികളായ്
ആത്മാവിൽ നിറഞ്ഞു നാം ജീവിക്കേണം