കൃപയിന്നുറവാം കർത്താവെ നിൻ
കൃപ മതിയടിയാനീയുലകിൽ(2)
1 ബലഹീനതയിൽ താങ്ങി നടത്തും-
ബലവാനേ നിൻ കൃപ മതിയെ
പലവിധ ഭീതികളുയരും മരുവിൽ-
കൃപയിൻ ചിറകാൽ പൊതിയണമെ;- കൃപ…
2. പാപത്തിൻ ശമ്പളം മരണം നീങ്ങി-
കൃപയാലെ ദൈവമകനായ് ഞാൻ
അവകാശമായ് നിത്യജീവൻ ലഭിച്ചു-
പ്രത്യാശയോടെ ഞാൻ മേവിടുന്നു;- കൃപ…
3 ക്രിസ്തുവിൻ കൃപയാൽ ശക്തി ലഭിച്ചു-
രക്ഷയിൻ സുവിശേഷം ഘോഷിക്കാം
സകല മനുഷ്യർക്കും രക്ഷാകരമാം-
ദൈവകൃപയിൽ ഞാൻ നിലനിൽക്കും;- കൃപ...