Ente daivam enikku tanna snehasammanam.. ee jeevitam..
svantha roopavum bhavavumay‌i menanjeduthenne.. tante kaikalal..
jeevitham njan daivame kazhchayekunnu
hridaya tamburu meeti njan nanniyekunnu
nanniyekunnu.. nanniyekunnu.. (ente daivam..)

mannil ninte shvasamoodi jeevaneki nee
ente oro shvasavum ini nintethanallo
manamidinjalum mizhikal neeraninjalum
bharamerum kurishu peri njan talarnnalum
ente janmam purnnamay‌ ninakku nalkam (ente daivam..)

kurishilannu ninte jeevan baliyanachathu pol
minni mayum mann cheratay‌ njan maranjalum
idari veenalum manassil irul padarnnalum
dehamake murivukalal ninamaninjalum
ninte vazhiye matram ennum njan nadannidum (ente daivam..)

എന്‍റെ ദൈവം എനിക്കു തന്ന സ്നേഹസമ്മാനം.. ഈ ജീവിതം..
സ്വന്ത രൂപവും ഭാവവുമായ്‌ മെനഞ്ഞെടുത്തെന്നെ.. തന്‍റെ കൈകളാല്‍..
ജീവിതം ഞാന്‍ ദൈവമേ കാഴ്ചയേകുന്നു
ഹൃദയതംബുരു മീട്ടി ഞാന്‍ നന്ദിയേകുന്നു
നന്ദിയേകുന്നു.. നന്ദിയേകുന്നു.. (എന്‍റെ ദൈവം..)
                            
മണ്ണില്‍ നിന്‍റെ ശ്വാസമൂതി ജീവനേകി നീ
എന്‍റെ ഓരോ ശ്വാസവും ഇനി നിന്‍റെതാണല്ലോ
മനമിടിഞ്ഞാലും മിഴികള്‍ നീരണിഞ്ഞാലും
ഭാരമേറും കുരിശു പേറി ഞാന്‍ തളര്‍ന്നാലും
എന്‍റെ ജന്മം പൂര്‍ണ്ണമായ്‌ നിനക്കു നല്‍കാം (എന്‍റെ ദൈവം..)
                            
കുരിശിലന്നു നിന്‍റെ ജീവന്‍ ബലിയണച്ചതു പോല്‍
മിന്നി മായും മണ്‍ ചെരാതായ്‌ ഞാന്‍ മറഞ്ഞാലും
ഇടറി വീണാലും മനസ്സില്‍ ഇരുള്‍ പടര്‍ന്നാലും
ദേഹമാകെ മുറിവുകളാല്‍ നിണമണിഞ്ഞാലും
നിന്‍റെ വഴിയേ മാത്രമെന്നും ഞാന്‍ നടന്നീടും (എന്‍റെ ദൈവം..)