ഉയിർത്തെഴുന്നേറ്റു ഹല്ലേലുയ്യാ – ജയിച്ചെഴുന്നേറ്റു
ഉർവ്വിയെ ജയിച്ച ക്രിസ്തുനാഥനെൻ സ്വന്തമായ്ത്തീർന്നു

1 കല്ലറ തുറന്നീടവേ രാജസേവകർ ഭയന്നീടവേ
വല്ലഭനേശു ഉയിർത്തെഴുന്നേറ്റു
സ്വർഗ്ഗപിതാവിൻ മഹിമയിതേ;- ഉയിർ...

2 മരിച്ചവരുടെ ഇടയിൽ ജീവനാഥനെ തേടുകയോ
നീതിയിന്നധിപതി ഉയിർത്തെഴുന്നേറ്റു 
നിത്യമാം ജീവനെ നൽകിടുവാൻ;- ഉയിർ...

3 മരണമേ വിഷമെവിടെ? പാതാളമേ ജയമെവിടെ?
മരണത്തെ ജയിച്ചവൻ ഉയിർത്തെഴുന്നേറ്റു
പാതാള വൈരിയെ ജയിച്ചവനായ്;- ഉയിർ...

4 ആത്മാവിൽ ഇന്നുമെന്നും ഹാ നമ്മെയും ഉയിർപ്പിച്ചവൻ
ആത്മാവിൻ വാഗ്ദത്തം നമുക്കവൻ തന്നു
ഹല്ലേലുയ്യാ സ്തുതി പാടിടുവോം;- ഉയിർ...