1 Vaazhthidum njaaneshuve varnnikkum than naamathe
Thaazhchayil’irangi enne veendedutha naamathe
orkkuvanashe’shavum yogyanallennaakilum
paarthalathilezhaye ortha divya snehame

padidum njaanennennum daiva sneham thannude
aazha mathinnuyaravum neelamathin veethiyum

2 ente sarvva vallabhan sainyathinte nayakan
sarvvaralum vandithan sarvvarilum sundaran
en vazhiyin kuravukal therthidunna nayakan
anthyathoalamenne nadathiduvan shakthan ahan;-

3 onnume enikkihe vyakulathinillathal
onnilum patharidathodidum viruthinay
onnilum kuravukal vannidathe nokkidum
thannidam abhayamay parthidunna sadhuve;-

4 njanumente kudumbavum yahoavaye sevikkum
parithil njan parthidum nalukal muzhuvanum
kleshamerum velayil orthidum than ponmukham
krushilente perkkay kastametta nathhane;-

5 onnume karuthidathodukayal bhoshanay
thernnuvennu thonnilum bhethiyillenikkihe
muttukalal therthatham pattanathinulliay
mukhyamam nirayilen malika njan kanunnu;-

6 aarumilla thangkuvan-ennorthidunna velayil
aamayam therthiduvan adukkalethum nayakan
parvvathathilekkunjan kannuyarthum valayil
thathsamayam vannidum van sahayathin krupa;-

7 kananathin pathayil vidarnna lilli pushpangkal
kamyamay chamachavan enne marannedumo
pullile himakanam saundaryathil chalichon
enneyethra shreshdamay thejassal aniyikkum;-

1 വാഴ്ത്തിടും ഞാനേശുവേ വർണ്ണിക്കും തൻ നാമത്തെ
താഴ്ചയിലിറങ്ങിയെന്നെ വീണ്ടെടുത്ത നാമത്തെ
ഓർക്കുവാനശേഷവും യോഗ്യനല്ലെന്നാകിലും
പാർത്തലത്തിലേഴയെ ഓർത്ത ദിവ്യ സ്നേഹമേ

പാടിടും ഞാനെന്നെന്നും ദൈവസ്നേഹം തന്നുടെ
ആഴമതിന്നുയരവും നീളമതിൻ വീതിയും

2 എന്റെ സർവ്വ വല്ലഭൻ സൈന്യത്തിന്റെ നായകൻ
സർവ്വരാലും വന്ദിതൻ സർവ്വരിലും സുന്ദരൻ
എൻ വഴിയിൻ കുറവുകൾ തീർത്തിടുന്ന നായകൻ
അന്ത്യത്തോളമെന്നെ നടത്തിടുവാൻ ശക്തൻ താൻ;- പാടിടും...

3 ഒന്നുമേ എനിക്കിഹെ വ്യാകുലത്തിനില്ലതാൽ
ഒന്നിലും പതറിടാതോടിടും വിരുതിനായ്
ഒന്നിലും കുറവുകൾ വന്നിടാതെ നോക്കിടും
തന്നിടം അഭയമായ് പാർത്തിടുന്ന സാധുവെ;- പാടിടും...

4 ഞാനുമെന്റെ കുടുംബവും യഹോവയെ സേവിക്കും
പാരിതിൽ ഞാൻ പാർത്തിടും നാളുകൾ മുഴുവനും
ക്ലേശമേറും വേളയിൽ ഓർത്തിടും തൻ പൊന്മുഖം
ക്രൂശിലെന്റെ പേർക്കായി കഷ്ടമേറ്റ നാഥനെ;- പാടിടും...

5 ഒന്നുമേ കരുതിടാതോടുകയാൽ ഭോഷനായ്
തീർന്നുവെന്നു തോന്നിലും ഭീതിയില്ലെനിക്കിഹെ
മുത്തുകളാൽ തീർത്തതാം പട്ടണത്തിനുള്ളിലായ്
മുഖ്യമാം നിരയിലെൻ മാളിക ഞാൻ കാണുന്നു;- പാടിടും...

6 ആരുമില്ല താങ്ങുവാനെന്നോർത്തിടുന്ന വേളയിൽ
ആമയം തീർത്തിടുവാനടുക്കലെത്തും നായകൻ
പർവ്വതത്തിലേക്കു ഞാൻ കണ്ണുയർത്തും വേളയിൽ
തത്സമയം വന്നിടും വൻ സഹായത്തിൻ കൃപ;- പാടിടും...

7 കാനനത്തിൻ പാതയിൽ വിടർന്ന ലില്ലിപുഷ്പങ്ങൾ
കാമ്യമായ് ചമച്ചവൻ എന്നെ മറന്നീടുമോ
പുല്ലിലെ ഹിമകണം സൗന്ദര്യത്തിൽ ചാലിച്ചോൻ
എന്നെയെത്ര ശ്രേഷ്ടമായ് തേജസ്സാലണിയിക്കും;- പാടിടും...