1 varunnu parameshan ipparil
bharanam bharamelkan
varavinnayi than vachanam pol nee
orungedonnuvo?

2 muzhangum kahala dvoniyum parichil
pathinayiramam duthanmarum
aairamayiram vishuddhanmarum
aayittayiram aandu vanidan;-

3 ulakin srishdikal deva sutharin
thejassakum svathandryamode
drevathvathin dasyathil ninnudane
viduthal prapich’aananda’madavaan;-

4 mudanthan manineppole chadum
umanmarum ullasicharkkum
kurudanmarude kannu thurakkum
ozhiyum manusha shapamashesham;-

5 simham kaalapol pullu thinnedum
pullippuliyum gokkalumathupol
svarggathin pothil kalichedum
cheriya shishukkal yeshuvin raajye;-

6 vazhipokkar verum bhoshanmar polum
vazhi thettathe nadannidum annu
ithu than ninnude vazhi’ennulloru
mozhiyum pinnil kelkkamenna;-

7 varumorovidha parishodhanayil
sthhiramayi vijayam prapichavare
para’neshuvin thiru simhasanathil
orumichangkirutheduvanayi;-

8 snehathal niranjoru samrajyam
snehathin svorupanam yeshu
modathal niranjoru vishuddhar
kkayittayiramandu nalkedan;-

1 വരുന്നു പരമേശൻ ഇപ്പാരിൻ
ഭരണം ഭരമേൽക്കാൻ
വരവിന്നായ് തൻ വചനം പോൽ നീ
ഒരുങ്ങീടുന്നുവോ?

2 മുഴങ്ങും കാഹളധ്വനിയും പരിചിൽ
പതിനായിരമാം ദൂതന്മാരും
ആയിരമായിരം വിശുദ്ധന്മാരും
ആയിട്ടായിമാണ്ടു വാണീടാൻ

3 ഉലകിൻ സൃഷ്ടികൾ ദേവസുതരിൻ
തേജസ്സാകും സ്വാതന്ത്ര്യമോടെ
ദ്രവത്വത്തിൽ ദാസ്യത്തിൽ നിന്നുടനെ
വിടുതൽ പ്രാപിച്ചാനന്ദമടവാൻ;-

4 മുടന്തൻ മാനിനെപ്പോലെ ചാടും
ഊമന്മാരും ഉല്ലസിച്ചാർക്കും
കുരുടന്മാരുടെ കണ്ണു തുറക്കും
ഒഴിയും മാനുഷശാപമശേഷം;-

5 സിംഹം കാളപോൽ പുല്ലു തിന്നീടും
പുള്ളിപ്പുലിയും ഗോക്കളുമതുപോൽ
സർഗ്ഗത്തിൻ പോതിൽ കളിച്ചീടും
ചെറിയ ശിശുക്കൾ യേശുവിൻ രാജ്യേ;-

6 വഴിപോക്കർ വെറും ഭോഷന്മാർ പോലും
വഴിതെറ്റാതെ നടന്നിടുമന്ന്
ഇതു താൻ നിന്നുടെ വഴിയെന്നുള്ളൊരു
മൊഴിയും പിന്നിൽ കേൾക്കാമെന്ന;-

7 വരുമോരോവിധ പരിശോധനയിൽ
സ്ഥിരമായ് വിജയം പ്രാപിച്ചവരെ
പരനേശുവിൻ തിരു സിംഹാസനത്തിൽ
ഒരുമിച്ചങ്ങിരുത്തീടുവാനായി;-

8 സ്നേഹത്താൽ നിറഞ്ഞൊരു സാമ്രാജ്യം
സ്നേഹത്തിൻ സ്വരൂപനാമേശു
മോദത്താൽ നിറഞ്ഞോരു വിശുദ്ധർ
ക്കായിട്ടായിരമാണ്ടു നൽകിടാൻ;-