കാൽവറി ക്രൂശിൽ കാണും സ്നേഹത്തിൻ പൂർണ്ണത
ശത്രുവാം എന്നെ ദൈവം മിത്രമാക്കിയേ
രക്തവും ചിന്തി യേശു എന്നെ രക്ഷിപ്പാനായ്
ഈ സ്നേഹരൂപനെൻ ആത്മസ്നേഹിതൻ
ദുഃഖത്തിൽ ആശ്വാസമായ് രോഗത്തിൽ എൻസൗഖ്യമായ്
ഘോരവിപത്തുകളിൽ എന്നെ താൻ
ശാശ്വതഭൂജങ്ങളാൽ മാർവ്വോടണച്ചിടും
ഈ സ്നേഹരൂപനെൻ ആത്മസ്നേഹിതൻ
ക്രിസ്തുവിൻ സ്നേഹമെന്നെ നിർബന്ധിക്കുന്നതാൽ
എന്നെത്തന്നെ വെറുത്തെൻ ക്രൂശെടുത്തു ഞാൻ
നിന്ദയും ചുമന്നുപോം പാളയത്തിൻ പുറം
ഈ സ്നേഹരൂപനെൻ ആത്മസ്നേഹിതൻ
തൻപുനരുത്ഥാനത്തിൻ ശക്തി ഞാൻ ധരിക്കുവാൻ
തന്റെ മരണത്തോടങ്ങേകീഭവിക്കുവാൻ
കിസ്തുവിൻ കഷ്ടങ്ങളിൽ പങ്കാളിയാകുവാൻ
ഈ സ്നേഹരൂപനെൻ ആത്മസ്നേഹിതൻ
ഒരിക്കലും ഒരിക്കലും ഞാൻ കൈവിടുകില്ല നിന്നെ
ഭയപ്പെടാതെ ഞാൻ നിൻ കൂടെയുള്ളതാൽ
തീയിൽകൂടി നടന്നാൽ നീ വെന്തുപോകുമോ
പെരുവെള്ളങ്ങൾക്കു നിന്നെ മുക്കാൻ കഴിയുമോ
മുൻപടയായ് പിമ്പടയായ് അഗ്നിമേഘത്തൂണുകൾ
സൈന്യങ്ങളിൽ അധിപൻ കൂടെയുള്ളതാൽ
യുദ്ധം യഹോവയ്ക്കുള്ളതെന്നോർത്തുകൊള്ളുക
തൻസ്നേഹകൊടിക്കീഴിൽ ആർത്തുഘോഷിക്ക.