daivathin krupaye chinthikam
divyajeevan nalkiyathorkam

1 ekasuthane vishwasicheedunor-
kevarkum jeevan nalkuvanavane
eki lokathe snehicha kripaye
pukazhthi nammuku stuthikam - 

2 nyaayavidhiyin vaalinu keezhil
nyaayamayakapettakularaakum
nammude shikshakhilam puthranmel
chummathiya kripayorkam -

3 daivame daivame eevidhamene
kaivittadendenalari karayuvan
jeevante naadanidayayathende-
narinju nammuku stuthikam - 

4 kurishil than jeevan vedinjuvenaalum
maranathevenuthaanuyirthu moonam naal
praananu puthukam prapichu namukum
pranamichu munil veezham -

5 nammukayittinum malkizadekin
kramathil pradhana purohithanaayi
swargavishudha sthalathethi vazhunna-
vane namuku stuthikam

6 veendum varunna raajadhiraajan
kandidum vegam vaanil namavane
swanthajanathe cherthidumudane
hallelujah geetham thudaram -

ദൈവത്തിൻ കൃപയെ ചിന്തിക്കാം
ദിവ്യജീവൻ നൽകിയതോർക്കാം

1 ഏകസുതനിൽ വിശ്വസിച്ചിടുന്നോർ-
ക്കേവർക്കും ജീവൻ നൽകുവാനവനെ
ഏകി ലോകത്തെ സ്നേഹിച്ച കൃപയെ
പുകഴ്ത്തി നമുക്കു സ്തുതിക്കാം;-

2 ന്യായവിധിയിൻ വാളിന്നു കീഴിൽ
ന്യായമായകപ്പെട്ടാകുലരാകും
നമ്മുടെ ശിക്ഷയഖിലം പുത്രന്മേൽ
ചുമത്തിയ കൃപയോർക്കാം;-

3 ദൈവമേ ദൈവമേ ഈവിധമെന്നെ
കൈവിട്ടതെന്തെന്നലറിക്കരയുവാൻ
ജീവന്റെ നാഥന്നിടയായതെന്തെ
ന്നറിഞ്ഞു നമുക്കു സ്തുതിക്കാം;-

4 കുരിശിൽ തൻ ജീവൻ വെടിഞ്ഞുവെന്നാലും
മരണത്തെവെന്നുതാനുയിർത്തു മൂന്നാം നാൾ
പ്രാണനു പുതുക്കം പ്രാപിച്ചു നമുക്കും
പ്രണമിച്ചു മുന്നിൽ വീഴാം;-

5 നമുക്കായിട്ടിന്നും മൽക്കീസെദേക്കിൻ
ക്രമത്തിൽ പ്രധാന പുരോഹിതനായി
സ്വർഗ്ഗവിശുദ്ധസ്ഥലത്തെത്തി വാഴു-
ന്നവനെ നമുക്കു സ്തുതിക്കാം;-

6 വീണ്ടും വരുന്നു രാജാധിരാജൻ
കണ്ടീടും വേഗം വാനിൽ നാമവനെ
സ്വന്തജനത്തെ ചേർത്തിടുമുടനെ
ഹല്ലേലുയ്യാ ഗീതം തുടരാം;-