1 സ്വർഗ്ഗത്തിൽ നിക്ഷേപം ശേഖരിക്കും 
സാധുവോടീവിധമായിരിക്കും 
സർവ്വേശൻ ചൊല്ലുവതെല്ലായ്പോഴും 
എൻകണ്ണിനാൽ നിന്നെ ഞാൻ നടത്തും  

2 നാനാ പരീക്ഷകൾ വന്നിടുമ്പോൾ 
പാലകന്മാർ പറന്നോടിടുമ്പോൾ
നാദമിതു ചെവി പൂകിടട്ടെ 
എൻകണ്ണിനാൽ നിന്നെ ഞാൻ നടത്തും  

3 ഭൗമികമായ നിന്നാശയെല്ലാം 
കാലമാം കല്ലറ പൂകിടുമ്പോൾ 
പിന്നെയുമീ വാക്കു ധൈര്യമേകും 
എൻ കണ്ണിനാൽ നിന്നെ ഞാൻ നടത്തും  

4 കള്ളൻ തുരുമ്പും പുഴുവിവയാൽ 
കൊള്ളയാകാതുള്ള നിൻമുതൽ നീ 
സ്വർഗ്ഗമഹത്ത്വത്തിൽ കണ്ടിടുമ്പോ
ളെൻ നടത്തിപ്പുകൾ ബോദ്ധ്യമാകും