സ്തുതിക്കും ഞാനെന്നും സ്തുതിക്കും 
യേശുദേവനെ സ്തുതിക്കും 
പുകഴ്ത്തും ഞാനെന്നും പുകഴ്ത്തും 
ദേവദേവനെ പുകഴ്ത്തും

1 പാപമാം ചേറ്റിൽ നിന്നുയർത്തി 
പാറയാം ക്രിസ്തുവിൽ നിറുത്തി 
പാടുവാൻ പുതിയൊരു പാട്ടും 
നൽകിയ നാഥനെ സ്തുതിക്കും;- സ്തുതി..

2 മരുവിലും അവൻ വഴി നടത്തും 
കരുണയിൻ കരങ്ങളാൽ കാക്കും 
കരുമനകളിലും നൽതുണയായ് 
വരുമതാൽ തീരുമെൻ ഭാരം;-  സ്തുതി..

3 പാരിലെൻ ജീവിതകാലം പരൻവേല 
ചെയ്തു ഞാൻ തീർക്കും 
ഒടുവിലെൻ വീട്ടിൽ ചെന്നണയും 
പ്രിയന്റെ മാറിൽ ഞാൻ മറയും;-  സ്തുതി..