യഹോവയെ സ്തുതിപ്പിൻ-എന്നും
അവൻ വഴികളിൽ നടപ്പിൻ
യഹോവ തന്നെ ദൈവം
എന്നും നമുക്കു സഹായം(2)
1 ദുഃഖങ്ങളിൽ നല്ലവനവൻ
കഷ്ടങ്ങളിൽ കാത്തുസൂക്ഷിക്കും
നിഷ് ഠൂരന്റെപാതകളിൽ നിന്നു സൂക്ഷിച്ചും
നഷ്ടമാകാനവൻ നമ്മെ വിടുകയില്ല;- യഹോ …
2 നിന്ദകൾ മദ്ധ്യേ കൈവിടുകയില്ല
സന്തതമവൻ കൂടെയിരിക്കും
അന്ധകാരം നിറഞ്ഞ ഈ ലോകയാത്രയിൽ
വന്ദനീയനവൻ നമ്മെ വിടുകയില്ല;- യഹോ ..
3 ബന്ധുമിത്രങ്ങൾ കൈവെടിയുമ്പോൾ
ബന്ധനം നൽകുവാൻ ശത്രവേറുമ്പോൾ
അന്തരംഗമറിഞ്ഞവനരികിൽ നിൽക്കും
ബന്ധുവായി നമ്മെ നിത്യം പരിപാലിക്കും;- യഹോ...