തേനിലും മധുരം വേദമല്ലാതി-
ന്നേതുണ്ടുചൊൽ തോഴാ
നീ സശ്രദ്ധമിതിലെ സത്യങ്ങൾ
വായിച്ചു ധ്യാനിക്കുകെൻ തോഴാ!
മഞ്ഞുപോൽ ലോകമഹികൾ മുഴുവൻ
മാഞ്ഞിടുമെൻ തോഴാ
ദിവ്യരഞ്ജിത വചനം ഭഞ്ജിതമാകാ
ഫലം പൊഴിക്കും തോഴാ
പൊന്നും വസ്ത്രങ്ങളും മിന്നും രത്നങ്ങളു-
മിതിന്നു സമമോ തോഴാ?
എന്നുംപുതുബലമരുളും അതിശോഭ കലരും
ഗതിതരുമന്യൂനം
തേനൊടു തേൻ കൂടതിലെ നൽതെളിതേ-
നിതിന്നു സമമോ തോഴാ?
ദിവ്യ തിരുവചനം നിൻദുരിതമകറ്റാൻ
വഴിപറയും തോഴാ
ജീവനുണ്ടാക്കും ജഗതിയിൽ ജനങ്ങൾ-
ക്കതിശുഭമരുളിടും
നിത്യജീവാത്മസൗഖ്യം ദേവാത്മാവരുളും
വഴിയിതു താൻ ന്യൂനം
കാനനമതിൽവച്ചാനന്ദരൂപൻ
വീണവനോടെതിർക്കേ ഇതിൻ
ജ്ഞാനത്തിൻ മൂർച്ച സ്ഥാനത്താലവനെ
ക്ഷീണിപ്പിച്ചെന്നോർക്ക
പാർത്തലമിതിലെ ഭാഗ്യങ്ങളഖിലം
പരിണമിച്ചൊഴിഞ്ഞിടിലും
നിത്യപരമേശവചനം പാപിക്കു ശരണം
പരിചയിച്ചാൽ ന്യൂനം.