1 ഉന്നതിയിൽ നിൻ സാന്നിദ്ധ്യമെന്നും
ഊനമില്ലാത്ത കുഞ്ഞാടു നീ
ഉൺമയം ഉലകിൻ ഭ്രമം
ശിഥിലം നിഷ്ഫലം(2)

2 മാറ്റങ്ങളേറുന്ന ലോകത്തിൽ
മാറ്റമില്ലാത്ത നിൻ വചനം
മാറായിൻ മധുരം മാധുര്യമന്ന
പുതുജീവൻ നൽകും ജീവ ജലം(2);- ഉന്നതി...

3 ഉൽക്കണ്ഠയേറുന്ന നേരത്തു
ഉള്ളിൽ ബലം നൽകി പാലിക്കും
ഉന്നത ദേവൻ നീതിയിൻ സൂര്യൻ
ഉദിച്ചുയർന്നൊരു സാന്നിധ്യം(2);- ഉന്നതി...

4 സത്യത്തിൻ പാതയിൽ നിൽക്കുവാൻ
നിത്യവും എൻ കൂടെ വാഴുക
അത്ഭുത മന്ത്രി വീരനാം രാജൻ
വിശുദ്ധിയേകുന്നു ആത്മ നദി(2);- ഉന്നതി...