കാൽവറിക്കുരിശതിന്മേൽ
തുങ്ങിയോരേശുദേവൻ - പഞ്ചമുറിവുകളാൽ
പ്രാണൻ വെടിഞ്ഞല്ലോ നിന്റെ പേർക്കായ്

1 തൻ ദിവ്യ സ്നേഹം നീ കാണുന്നില്ലേ?
തൻ ദിവ്യ ശബ്ദം നീ കേൾക്കുന്നില്ലേ?
ഈ മഹൽത്യാഗം നിനക്കായല്ലോ
നിൽക്കു നോക്കു ചിന്തിക്കു നീ(2);- കാൽവറി...

2 സ്നേഹത്തിൻ മൂർത്തിയാം ദൈവപുത്രൻ
സ്നേഹിച്ചിടുന്നിതു നിന്നെയല്ലേ
ഈ ദിവ്യസ്നേഹം നീ കാണാഞ്ഞിട്ടോ
പാപത്തിൻ അടിമയായ് ജീവിക്കുന്നോ(2);- കാൽവറി...

3 നിന്നെപ്പോൽ നിന്നയൽക്കാരനേയും
സ്നേഹിപ്പാനരുളിയ കർത്താവല്ലോ
തന്നത്താൻ രക്ഷിപ്പാൻ ഇച്ഛിക്കാതെ
നമ്മുടെ രക്ഷയ്ക്കായി അർപ്പിച്ചത്(2);- കാൽവറി... 

4 സ്രഷ്ടാവാം ദൈവം വിളിക്കുന്നില്ലോ
സൃഷ്ടിയെ ദൈവം വിളിക്കുന്നല്ലോ
കാൽവറി ക്രൂശു വിളിക്കുന്നല്ലോ
അരികെ വരിക സോദരരേ!(2);- കാൽവറി...