യേശു എന്നുള്ളിൽ വന്നതിനാലേ 
എൻ സർവ്വഭാരം നീങ്ങിയല്ലോ 
എന്നുള്ളിൽ പകർന്നു ആനന്ദം 
നിത്യമാം ജീവൻ നൽകിയല്ലോ 

തിരുവചനം എന്നും ധ്യാനിച്ചിടും ഞാൻ 
തിരുനാമം ഭൂവിൽ ഘോക്ഷിച്ചിടും ഞാൻ 
തിരുകൃപ എന്നിൽ പകരേണം നാഥാ 
തിരുവഴിയിൽ നിത്യം യാത്ര ചെയ്തീടാൻ 

ദുരിതങ്ങൾ ഏറും ഈ മരുഭൂവിൽ 
കരുതിനടത്തും അന്ത്യം വരെയും 
ഒരുനാളുമെന്നെ പിരിയാതെ നാഥൻ 
കരങ്ങളിലെന്നും വഹിച്ചിടുന്നല്ലോ 

വരും വേഗം പ്രിയൻ വാനമേഘത്തിൽ 
ഒരുങ്ങിയിരിക്കും വിശുദ്ധരെ ചേർക്കാൻ 
ഒരുങ്ങീട്ടുണ്ടോ പ്രിയൻ വരവിന്നായ് 
സ്വർഗ്ഗരാജ്യത്തിൽ ആനന്ദിച്ചീടാൻ